Dous traballadores resultaron feridos e tiveron que ser trasladados a un hospital noutros tantos accidentes laborais ocorridos na Coruña, ao redor de mediodía deste luns.

O primeiro foi no peirao do Centenario pouco antes das 11,30 horas, cando un particular chamou á central do 112 Galicia. Esta persoa informaba de que ao operario caéraselle unha chapa de metal nunha perna.
Seguidamente, o 112 informaba a Urxencias Sanitarias-061, ás policías Nacional e Local, á Garda Civil e a Protección Civil. Finalmente, o home foi evacuado ao centro hospitalario de referencia.

O segundo accidente ocorreu sobre as 12,00 do mediodía na rúa Cruz Vermella Española. Estoutra vítima sufrira un corte na man cun azulexo.

O 112 tivo constancia destes feitos tras un aviso do 061 e, acto seguido, avisou á Policía Nacional e á Local. Este traballador tamén foi trasladado ao hospital.