Este mércores 29 de novembro celebrouse no auditorio da Afundación a proxección do filme ‘Te doy mis ojos’. O pioneiro filme dirixido por Icíar Bollaín, que xa amosaba hai 20 anos a enfermidade social que vivían, e viven, as mulleres do país, serviu de fío condutor para este evento enmarcado no programa municipal do 25-N, Día Internacional da Eliminación da  Violencia contra as Mulleres.

A actividade consistiu nun debate que, partindo da historia reflexada  en ‘Te doy mis ojos’, invita á reflexión sobre diferentes temas  relacionados coa violencia de xénero, como a reacción da sociedade e da familia nestas situacións ou a figura do maltratador; así como
sobre a evolución da sociedade dende o estreo da longametraxe.

O coloquio, moderado pola xornalista Isabel Bravo, contou coa  participación da alcaldesa da Coruña, Inés Rey, a concelleira de  Benestar Social, Yoya Neira, e o actor protagonista da película, Luis  Tosar; así como expertas en violencia de xénero e intelixencia artificial.