A edición 2024 de O Gran Camiño, a rolda ciclista profesional galega, comezará o 22 de febreiro cunha etapa contrarreloxo de 15 kilómetros coa Torre de Hércules como punto de partida e chegada.

Rendendo homenaxe ao Camiño Inglés, e ao único faro romano do mundo aínda en funcionamento, a proba fará desfilar polas nosas rúas coruñseas “corredores de primeiro nivel, da Champions Leage do ciclismo”, sinalou Ezequiel Mosquera.

Se ben se trata dunha proba coa intención de promover as comunidades locais e o seu tecido comercial, aseguran que se trata dunha proba de interese internacional, sendo varias as escuadras internacionais de primeiro nivel, que nos últimos meses puxéronse en contacto cos organizadores para coñecer os detalles da carreira.
Polo momento, xa confirmaron que estarán en Galicia en febreiro o Jumbo-Visma, o mellorequipo do mundo, que repetirá na rolda que dominou na última edición, nesta ocasión coa súa nova denominación, Visma-Lease a bike. Tamén estarán os franceses de Groupama-FDJ, que participarán por primeira vez nesta cita.