O Teatro Colón acolle un concerto moi especial o 7 de xaneiro ás 20.30 horas. O grupo Leilía, tras máis de 30 anos levando a música galega por todo o planeta, despídeses escenarios. O grupo de cantareiras actuará na cidade na súa xira de despedida dos escenarios ‘Anque me vou non me vou’.
As entradas para o seu recital estarán dispoñibles este martes, 5 de decembro, a partir das 11.00 horas en Ataquilla e no despacho de billetes do Teatro Colón e da praza de Ourense.
Leilía, formado no 1989 por Ana Rodríguez, Felisa Segade, Mercedes Rodríguez, Montse Rivera, Rosario Rodríguez e Patricia Segade, é un dos nomes máis recoñecidos no panorama do folk galego e un dos primeiros grupos de cantareiras en Galicia. No seu espectáculo de despedida mesturarán cancións novas, do seu último traballo, ‘Vidas Cantadas’, con outros clásicos do seu repertorio.
