Tres persoas, unha nai e os seus dous fillos menores, resultaron feridos este luns nun accidente de tráfico ocorrido na cidade da Coruña. Segundo a información do CIAE 112-Galicia, o suceso ocorreu pasadas as 18.00 horas na rúa Xeral Rubín da Coruña, onde chocaron dous vehículos. Foi o sistema de alerta automática dun dos turismos o que deu aviso a emerxencias. Ata o lugar desprazáronse efectivos dos Bombeiros da Coruña, da Policía Local e persoal sanitario do 061, que evacuou aos tres feridos.