InicioA CORUÑACulleredo contará en 2024 cun parque de skate e tres pistas de...

Culleredo contará en 2024 cun parque de skate e tres pistas de baloncesto

Publicada o

Por europapress

O vicepresidente primeiro e conselleiro de Presidencia, Xustiza e Deportes, Diego Calvo, participou este luns na presentación do proxecto para a construción dun parque de skate e de tres pistas de baloncesto no complexo deportivo de Acea de Ama, no municipio coruñés de Culleredo.

Segundo trasladou o Executivo galego a través dunha nota de prensa, no acto de presentación do parque detallouse como serán as infraestruturas que se licitarán no mes de xaneiro de 2024, cun prazo de execución de 10 meses.

Por unha banda, construirase un parque de skate que sumará unha superficie de 2.700 metros cadrados e contará cos espazos principais necesarios para practicar a disciplina e a capacidade de acoller competicións. Por outra banda, crearanse novas pistas de baloncesto 3×3 e espazos de convivencia, que sumados aos do parque aumentan a superficie das novas instalacións a 5.600 metros cadrados.

Tal e como informou o vicepresidente primeiro, esta iniciativa prevé unha segunda fase na que se cubrirá o recinto, o que converterá a infraestrutura na primeira de Galicia cunha zona de skate cuberta de gran dimensión e de uso público, así como “un referente a nivel nacional”, orzada en case 1 millón de euros. O obxectivo é facilitarlles a deportistas e afeccionados un espazo onde poder practicar a disciplina sen estar condicionados pola meteoroloxía.

APOIO AO DEPORTE URBANO

Diego Calvo referiuse a a creación deste novo parque de skate como “un exemplo máis do compromiso da Xunta co deporte urbano e co fomento da súa práctica” e destacou a importancia do skate entre os máis jovenes, unha disciplina que se estreou como olímpica en Tokyo coa galega Julia Benedetti como unha das representantes.

ÚLTIMAS

Inés Rey pide á Xunta deixar as “rifas políticas” sobre o marco xurídico para poñer tope ao aluguer

A alcaldesa da Coruña, Inés Rey, lamentou a "inacción" da Xunta e reiterou a súa petición de...

A Coruña insta á Xunta a actuar fronte ao mercado tensionado do alugueiro

A alcaldesa da Coruña, Inés Rey, pediu á Xunta un marco xurídico sobre o...

A hostalaría coruñesa seguirá mobilizándose durante todo o mes de setembro

Despois da resposta masiva acadada na concentración convocada pola Hostalería coruñesa realizada diante do...

O Pazo de Meirás declarado Lugar da Memoria Democrática

O Goberno estatal vén de publicar hoxe no Boletín Oficial do Estado (BOE) o...