O túnel de Sol e Mar, en Oleiros, nos accesos á cidade herculina, abre este venres ao tráfico, segundo ratificou o delegado do Goberno en Galicia, Pedro Branco.

A preguntas dos xornalistas, expuxo que, “conforme ao previsto”, abrirase a parte inferior para, posteriormente, inaugurar a parte superior desta obra.

Da mesma, resaltou que se trata dunha actuación “importante, que se fixo no medio e medio de construcións, sen parar o tráfico e nunha arteria principal de comunicación”.

Por outra banda, reivindicou esta obra de cara a desconxestionar o tráfico nos accesos á cidade herculina, tanto de entrada como de saída.