O comité de empresa do servizo de recollida de lixos da Coruña comunicou a desconvocatoria da folga que tiña previsto comezar o 24 de decembro ás 00,00 horas. Nun comunicado, o comité explica que alcanzou un acordo coa patronal que “accedeu a todas e cada unha das reivindicacións” que solicitaban os traballadores.

Así, agradece aos traballadores que coa súa “determinación, consistencia e unión” puideron lograr os obxectivos de “a non discriminación, o mantemento do emprego, o cesamento da persecución Sindical, así como a defensa das leis que estaban transgredindo”.