O Centro Xuvenil de Remanso, en Catro Camiños, acolle o rescate do ciclo municipal de concertos “En directo nos barrios”. O mércores 3 de xaneiro, a partir das 20:30h arrincará o primeiro desta serie de concertos que tratan de dar visibilidade ao traballo que hai detrás dos Locais de Ensaio Municipais, e ás 18 bandas residentes. Así, os grupos residentes dos locais, realizarán concertos en formato showcase, dando a coñecer as novas propostas musicais da cidade.
View this post on Instagram
Neste primeiro concerto participarán dúas agrupacións: Roda Door, grupo de estilo pop-rock que veñen de completar a súa formación coa inclusión dun quinto integrante, logo dun tempo traballando e definindo o seu proxecto.
Tamén estará Nordés, que estrean o seu recén publicado primeiro traballo “Tempestade”, con 7 temas e pode escoitarse nas principais plataformas dixitais de audio.
View this post on Instagram
O acceso ao público será libre desde 15 minutos antes do comezo e até cubrir a capacidade do recinto.
