O Concello de Culleredo reclama a Telefónica unha “actuación urxente” para reparar un poste da súa propiedade “con evidente risco de caída”, informa sobre unha instalación situada na rúa Picouso, na contorna de Vilaboa, e que se atopa xunto a unha escola infantil.

Nun comunicado, precisa que a incidencia no poste detectouse a principios do mes de decembro. “Ante avisos de cidadáns, ata o punto desprazouse tanto a Policía Local como o Servizo Municipal de Emerxencias, que levantaron parte”.

“A empresa recibiu aviso do estado do poste a través do 112, ao que comunicou que xa enviou a operarios a avalialo”, sinala o consistorio que engade que “reiterou a petición de actuación ante a situación do poste, que fai máis dun mes que permanece igual”.