O grupo Amper, a través da súa filial Electrotécnica Industrial e Naval (Elinsa), especializada en equipos de conversión de potencia, ratificou que construirá unha nova fábrica no polígono de Morás, en Arteixo.

Ocupará unha parcela de 13.000 metros cadrados en Morás e, cun investimento de entre 15 e 20 millóns de euros, o obxectivo é crear 200 empregos directos e ata 600 indirectos. A fábrica, segundo confirmou o presidente da Xunta, Alfonso Rueda, tras un encontro con responsables da empresa, estará operativa no ano 2026.