O Concello da Coruña vai comezar unhas obras de mellora da súa infraestrutura de abastecemento, mediante a implantación de novas canalizacións na avenida Garcia Sabell, o que provocará afectacións no tráfico, segundo informa o Ministerio de Transportes e Mobilidade.

Para iso, será necesario pechar ao tráfico o ramal de saída da Avenida Alfonso Molina (AC-11) no seu punto quilométrico 1,700 a partir do mércores, 31 de xaneiro, ás 9,00 horas. Estas actuacións atópanse á marxe das obras de mellora da capacidade da avenida de Alfonso Molina que está a levar a cabo este Ministerio e que actualmente se atopan en fase de traballos previos entre os que se atopan a reposición de servizos afectados ou o reformulo.

Os desvíos de tráfico estarán debidamente sinalizados contando como alternativas posibles o ramal de saída do punto quilométrico 2,100 da AC-11 (accesos Universidade da Coruña) ou acceso ao polígono de Pocomaco a través da AC-14. As afectacións están previstas ata o 9 de febreiro, aínda que poderían prolongarse en caso de ser necesario.