Traballadores de seguridade privada mobilizáronse na Coruña para demandar a Repsol e Prosegur a negociación do convenio, cunha protesta entre ambas as instalacións.

Nun comunicado, Iván Branco, secretario de Organización estatal de FTSP-USO, asegura que ambas as empresas “seguen sen negociar” melloras laborais e económicas, ao que atribúe a convocatoria dunha protesta entre a delegación de Prosegur na Coruña e a refinaría. Os traballadores avanzan novas convocatorias todos os venres e explican que preparan “outros formatos de reivindicación e novas medidas de acción sindical”.