A alcaldesa da Coruña, Inés Rey, participou esta mañá no acto de lectura do manifesto polo Día Internacional do Cancro Infantil, que organizou a Asociación de Axuda a Nenos Oncolóxicos de Galicia e a Federación Española de Pais de Nenos con Cancro.

Unha nena, Jade, foi a encargada da lectura, que tivo lugar no Hospital Materno Infantil Teresa Herrera nun acto no que a rexedora estivo acompañada por representantes da asociación e polo xerente da área sanitaria da Coruña, Luís Verde.

Nel, Rey reivindicou a importancia de levar a cabo máis investimentos en investigación científica para elevar a porcentaxe de supervivencia no cancro infantil, que se sitúa no 82%.

“Fan falta tamén máis recursos humanos e materiais nos centros sanitarios, sobre todo en Atención Primaria, e un maior apoio para que tanto pacientes como familiares poidan seguir con normalidade a súa vida e estudos”, sinalou.