As entradas para o espectáculo ‘Rock en familia’, que terá lugar o 17 de marzo no Teatro Colón da Coruña, atópanse xa á venda en ataquilla.com.

O espectáculo regresa á cidade tras o seu éxito na pasada edición nas festas de María Pita. Trátase, lembra o consistorio, “dun divertido repaso á historia da música do rock, centrándose nesta ocasión nos grandes autores e formacións a nivel nacional”.

Extremoduro, Barricada, Loquillo, Miguel Ríos, Burning ou Marea estarán presentes nunha iniciativa que ten, entre outros obxectivos, “que os máis pequenos coñezan os grandes éxitos deste xénero”.