A protesta convocada polas organizacións agrarias galegas (Sindicato Labrego Galego-Comisións Labregas (SLG-CCLL), a Asociación Agraria de Galicia (ASAGA) e Unións Agrarias (UUAA)) percorre esta mañá a cidade da Coruña. Unha marea de tractores entraron, bastante rápido, dende a zona de Guísamo na cidade da Coruña, pola Ponte Pasaxe e Alfonso Molina.
Algúns foron desviados por Matogrande, para acodir á concentración ante a Delegación do Goberno.
REIVINDICACIÓNS
Con estas tractoradas o agro galego demanda ás administracións públicas a nivel galego, estatal e europeo a activación urxente de medidas que garantan prezos xustos polos produtos agrarios, a racionalización das cargas burocráticas ás explotacións, a paralización dos tratados de libre comercio, a potenciación dos circuítos curtos de comercialización e o cumprimento da Lei da Cadea, entre outras accións.
Máis novas
