A Fundación Luís Seoane acolle o día 26 a presentación do libro ‘Ovalle, reporteiro gráfico’, no que presenta a súa biografía na que revive os acontecementos máis relevantes da historia de España e do mundo.
Ao longo de 28 capítulos, Ovalle cóntalle as súas vivencias polo mundo, durante 47 anos de profesión en TVE, á xornalista Ana Martín. O libro comprende distintos prólogos escritos polos escritores e xornalistas Almudena Ariza, Rosa María Calaf, Fernando González ‘Gonzo’, Carlos del Amor e Arturo Pérez-Reverte.
O reporteiro gráfico de TVE Manuel Ovalle, tras percorrer acompañado da súa cámara, 135 países e 15 conflitos bélicos, presenta no ano no que celebra o seu 50 aniversario como profesional a súa biografía.
“As súas vivencias como observador dos feitos co seu fiel cámara son contadas á xornalista Ana Martín, quen reviviu xunto a Manuel Ovalle durante catro anos, en encontros presenciais e en liña, as súas experiencias profesionais e persoais”.
