A concelleira responsable da área de Benestar Social, Yoya Neira, presidiu hoxe, no centro cívico dos Mallos, os actos de constitución dos ‘Consellos Locais de Inclusión Social e Saúde’.

Os mesmos buscan ser espazos de participación, debate e traballo en rede que teñen a función de recoller as experiencias das entidades sociais e outros colectivos que achegan o seu coñecemento da realidade social desde a proximidade e o traballo diario.

Neles, están representadas a maioría destas entidades que traballan nos campos da inclusión social e o ámbito sociosanitario. Tamén están presentes os sindicatos, colexios profesionais, representantes veciñais e diversos grupos políticos.

Unha vez constituídos, abrirase o prazo para a presentación de candidaturas para a vicepresidencia e a comisión permanente, explica o consistorio.