Mágoa o temporal desta mañá que agriou a celebración de O Gran Camiño na cidade da Coruña. Había gran expectación polo paso desta proba ciclista que se está facendo cun oco no circuito internacional e que permitía ver a nosa cidade en máis de 170 países.

E malia que ao final, a partir do mediodía quedou unha xornada máis que apacible, a forte temporal sufrida esta mañá provocou dúas cousas: que houbese menos afeccionados que se deixasen ver polo paseo marítimo; e que a proba perdese interese deportivo, unha vez que a organización decidía, para garantir a seguridade dos participantes, que estes usasen bicicletas convencionais e que os tempos non conten para a clasificación xeral.

Así e todo, si que houbo xente polas rotondas do paseo aplaudindo aos Carlos Rodríguez, ou sobre todo a Jonas Vingegaar, actual doble campión do Tour de Francia que non se quere perder a cita galega, pero que hoxe saíu de paseo, a 2’26’ de Tarling.

Ademais, a proba si que deixou un líder, o ciclista galés do INEOS Grenadiers Joshua Tarling (que fixo os 15km percorrido a 48km/h…), que sacou 42 segundos a Darren Rafferty, (EF Education), Pablo Castrillo (Kenr Farma) ou Willian Barta (Movistar).

O pelotón marcha xa cara Lugo, pois este venres toca a etapa Taboada-Chantada; o sábado toca Ourense para facer Xinzo de Limia-Ribadavia, e o domingo, peche da proba por Pontevedra cun Ponteareas-Tui.
Podedes seguir a proba por Eurosport ou a TVG2.