O porto da Coruña prevé superar este ano a afluencia de cruceristas por terceiro ano consecutivo, con máis de 150 escalas e de 350.000 pasaxeiros. Así o explica a Autoridade Portuaria da Coruña, que sinala que máis do 80% dos cruceristas que chegan ao porto herculino aseguran estar satisfeitos coa súa experiencia.

“A gran maioría visitan a cidade en excursións organizadas ou pola súa conta e realizan gastos superiores a 25 euros”, expón o organismo portuario.

Por outra banda, incide en que os locais de hostalaría, centros culturais e comercios son os servizos máis solicitados por parte dos cruceristas.