O coruñés Iñigo Quintero é a nova confirmación da edición deste ano da Morriña Festival, que se celebrará en xullo no porto da Coruña.

Segundo informa o consistorio, Iñigo Quintero sumarase a este evento musical xunto con Aitana, Louis Tomlinson, Nicki Nicole ou Sen Senra.

De Quintero, destaca que “é un dos artistas españois con maior éxito internacional, acumulando números uno non só en España senón tamén en países como Francia, Alemaña, Austria, Países Baixos e Suíza, entre outros”

De estilo pop, Iñigo Quintero inclúe nas súas referencias destacados artistas como James Arthur, Charlie Puth ou Dani Fernández, que actuará tamén este verán no marco da Morriña Festival.