A Deputación da Coruña promove a campaña institucional ‘Mulleres do pasado, semente do futuro’ con motivo do 8M, Día Internacional da Muller. A deputada de Igualdade, Soidade Agra, presentou este luns a programación que desenvolverá o organismo provincial e na que se expón, dixo, unha reflexión intergeneracional.
“Queremos visibilizar as dificultades e os logros das nosas antecesoras nunha campaña que se enmarca na prioridade deste departamento, que é a de contribuír a conseguir a igualdade real en todos os espazos da vida”, expuxo.
Para iso, levará a cabo unha “dinámica intergeneracional” que consistirá en que o alumnado de diferentes centros educativos da provicia entreviches ás súas avoas ou mulleres maiores de 70 anos de cara a aprender as súas historias e experiencias. Estes vídeos difundiranse a través de diferentes canles da Deputación. Ademais, o 8 de marzo haberá un acto institucional na sede provincial.
OUTRAS ACTUACIÓNS
Noutra orde de cousas, o presidente da Deputación, Valentín González Formoso, comprometeuse a acometer un proxecto de humanización no primeiro tramo da DP-3404, en Outes. Ademais, o organismo provincial abriu o prazo de solicitudes das bolsas para deportistas de alto nivel da provincia durante o ano 2024.
