O Concello da Coruña promoverá percorridos guiados por figuras femininas do rueiro da cidade con motivo da celebración do Día Internacional da Muller, o 8-M. Así o informou a concelleira responsable da área de Benestar Social, Igualdade e Participación, Yoya Neira, na presentación das actividades previstas.
Ademais das rutas, que levarán a cabo polo Ensanche, A Mariña, Cidade Vella e Pescadería, haberá actividades nas naves de Metrosidero, o Fórum Metropolitano ou Casa Museo Casares Quiroga, tamén se porá en marcha dun novo punto violeta no centro comercial Marineda City, un dispositivo que contou co asesoramento do persoal técnico do consistorio.
