Os Bombeiros da Coruña atenderon en 2023 un total de 554 intervencións urxentes, chegando en dez minutos ou menos en 395, segundo a memoria correspondente ao ano pasado. En concreto, dous de cada cinco foron en sete minutos ou menos. Ademais, aumentouse nun 10% o tempo en actividades de prevención, con 427 horas máis destinadas á materia e máis do dobre de simulacros programados.

Estes datos foron expostos pola concelleira de Atención e Seguridade Cidadá, Montserrat Paz, que presentou coa Agrupación de Bombeiros da Coruña a memoria do ano pasado.

En 2023, os bombeiros da Coruña rexistraron 22 sinistros menos respecto ao 2022, con 1.901 fronte a 1.923 do anterior ano. A concelleira destacou a celeridade na mobilización do Servizo de Bombeiros desde que se recibe a chamada ata o punto do sinistro.