No marco deste mes de marzo adicado á Muller, a asociación Les Coruña e o Concello da Coruña poñen en marcha Fondos Art Coruña, un programa mensual dedicado a mulleres en distintas facetas (artistas, poetas, emprendedores…). Así, entre o 8 e o 31 de marzo, o Circo de Artesáns estará cheo de actividades.
Os actos comezarán o venres 8 de marzo a partir das 20:30 horas co exposición de arte multidisciplinar LOREM, da pintora, fotógrafa e videocreadora polaca residente en Galicia, Gosia Trebacz (que permanecerá ata finais de mes). Este mesmo día tamén tera lugar concerto do dúo Feminino Plural (Silvia Penide e Carla López).
O mércores 20 de marzo, de 20.00 a 22.30 horas, terá lugar o recital poético de Luz Campello.
O mércores 27 de marzo a programación continuará de 20:00 a 22:30 horas co Recital poético do Grupo Ouriol (formado por Bernardo Martínez, Fito Ares, Alfonso Costa e Eva Veiga), a proxección da obra de Alfonso Costa e unha nova degustación de Vinotetas.
O domingo 31 de marzo, de 12.00 a 22.00 horas, o acto para emprendedoras Own Room pechará os actos de Foundos Art Coruña. Consistirá das seguintes actividades: ás 13.00 horas actuará a Coral Cores, dirixida por Pablo Méndez Carreira e de 13.30 a 15.30 horas actuarán Poles Opposites (Manu López e Carlos Areán).
Tamén durante a mañá presentarase o poemario Sensonauta, de Patricia Fernández, e degustaranse as tapas GRECA. Pola tarde, ás 17.00 horas haberá un micrófono aberto a cargo da escritora Branca Trigo, e ás 18.00 horas a última sesión de Vinotetas.
Máis novas do 8M
“Feminismo organizado para varrer o patriarcado”: Coruña mobilízase polo 8M
