O alcalde de Cambre, Óscar García Patiño, comunicou aos militantes do seu partido, Unión por Cambre, a súa decisión de dimitir ante o bloqueo administrativo no consistorio que levou problemas no pago de facturas.
Así o confirmaron fontes do partido consultadas por Europa Press.O último caso foi o da subministradora de gasoil que suspendeu o seu servizo por facturas pendentes por parte do consistorio, que avanzou que avaliaba unha solución e estudaba usar, por agora, vales de caixa.
Sobre esta subministración, precisaron que o importe de facturas pendentes ascende a 28.057,28 euros, “informadas con omisión de fiscalización por parte da interventora municipal”. E é que, coa chegada tanto da nova interventora como da secretaria municipal, por cambios nos criterios aplicados con anterioridade, foronse sucedendo os problemas en pagos e, de feito, a empresa de augas solicitou ao consistorio que asumise o servizo tras meses con facturas sen cobrar, un servizo que o goberno local garantiu a través do inicio dunha revisión de oficio.
Agora, tras a comunicación trasladada ao seu partido, García Patiño convocou aos medios de comunicación a unha rolda de prensa, ás 12,00 horas, no consistorio. Completaremos a información.
