Despois de analizar, a través do novo portal de transparencia municipal, as Declaracións de Bens dos edís do PSOE e do PP, toca facérmolo cos 4 concelleiros do BNG.
Francisco Jorquera Caselas declara un puso de 136 metros cadrados adquirido por 9 millóns de pesetas aló no 93, que ten un valor catastral de 46.000€. Conduce un C4 de 2013, e pasa, por pouco, dos 6.000€ nas dúas contas dos que é copropietario coa muller. Ten tamén unha conta de aforro a medias con 15.000€. Ten dúas accións do Dépor e 10 de Sermos Galiza.
A súa nº2, Avia Veira, vive ao día como veciña e nai de familia de Monte Alto. Declara a propiedade ao 50.000 dunha finca rústica por valor de 15.000€, comparte un C1 e unha Berlingo (aínda está a pagar unha das letras), e afirma ter un saldo medio de 1.000€ na conta corrente, mentres garda 27.000 nunha de aforro.
Pola súa parte, Mercedes Queixas Zas declara ter 4 pisos, dous herdados en 2018 e outros 2 mercados en 1998 e 2010, sen especificar o valor. Ten un Golf e un Ibiza a piques de convertirse en coches históricos, e declara 3 contas conrrentes con case 200.000€.
Por último, o número 4, David Soto Díaz, declara un piso adquirido en 2022 e do que aínda ten que pagar boa parte da hipoteca. Ten un Peugeot 407 de 20 anos, e conta co 25.000€ en 3 contas correntes. Ten ademais un crédito persoal de 100.000€.
Máis novas
Os Bens dos edís do PP: Dos 180.000€ da conta de Roberto Coira aos 1.500 de Carlos Sanclaudio
