A Fundación María José Jove e a Universidade da Coruña (UDC), a través de NORMAL, Espazo de Intervención Cultural da institución académica, convocan o IV edición do Programa de Residencias Artísticas FMJJ. É, informa a Fundación María José Jove, co obxectivo de profundar na relación entre creación artística, pensamento crítico e participación social, promovendo proxectos creativos de interese social vinculados á comunidade.

Nesta edición, convócanse dúas residencias, dotadas cun máximo de 6.000 euros por residencia, en concepto de honorarios, de gastos de produción e viaxe. Ademais, aos artistas proporcionaráselles un espazo de traballo individual no Espazo de Intervención Cultural Normal e outros recursos para a produción de proxectos inéditos, así como aloxamento na residencia universitaria Elvira Bao, da Coruña.