O presidente da Autoridade Portuaria da Coruña, Martín Fernández Prado e o vicepresidente primeiro da Xunta, Diego Calvo, apelaron a “seguir traballando” para definir o futuro da fachada marítima da Coruña. Fixérono ante preguntas dos xornalistas tras a firma dun convenio entre o titular do organismo portuario e o tamén conselleiro de Presidencia, Xustiza e Deportes en funcións para reforzar a colaboración en materia de emerxencias.
“Hai que esperar a que se constitúa o novo goberno”, apuntou Fernández Prado, en liña co manifestado por Calvo quen argumentou que “son debates complicados” que necesitan “un acordo amplo”.
“Hai que sentar todos e tentar chegar a acordos”, dixo sobre esta cuestión e tras subscribir un convenio, que xa había en 2015, e que nesta xornada coa nova firma se actualizou.“É fundamental en caso de emerxencias para atender mellor as necesidades”, sinalou o vicepresidente primeiro.
