O Concello de Oleiros solicitou a colaboración para localizar aos autores duns actos vandálicos rexistrados o pasado 8 de marzo na Leira da Silva, en Bastiagueiro. Segundo explica, sobre unha das casas que o consistorio cede para actos festivos, reunións familiares ou de entidades, o pasado venres producíronse danos como rotura de portas, inodoros, mobiliario “e ata a grellada situada no xardín”.

En concreto, sinala que o pasado 8 de marzo unhas 40 persoas celebraron unha festa na citada leira tras a que descubriron os danos, que o consistorio fixa nunha contía superior aos 3.000 euros.

Tamén precisa que a persoa responsable que fixo a solicitude do espazo para a festa non acudiu e agora o goberno local fai un chamamento á colaboración “para que se responsabilice aos verdadeiros culpables dos feitos, dos que son cómplices todas aquelas persoas que presenciaron os actos vandálicos e non denunciaron” despois de que, segundo aseguran, persoas que estiveron sosteñan que “non viron o que ocorreu”.