O presidente da Deputación da Coruña, Valentín González Formoso, reuniuse coa alcaldesa de Betanzos, María Barral, para analizar vías de colaboración para crear novos equipamentos deportivos na cidade. Segundo informou o goberno provincial, ambos estudaron un proxecto no Concello de Betanzos para a zona de O Carregal e a contorna de O Pasatempo.

A intención do Concello é ampliar as instalacións existentes na zona co apoio económico da institución provincial para dar resposta a diversas demandas formuladas por diferentes colectivos do ámbito do deporte. Entre as actuacións que trataron, atópase a construción dun ‘pump track’, instalacións de atletismo e unha posta de petanca.

Ademais, prevén a renovación da área de skate e a eses proxectos únese dotar de cuberta unha das pistas polideportivas da cidade, así como diferentes actuacións nas instalacións deportivas zona rural.