Delegados e delegadas da CIG concentráronse este xoves ante unha das oficinas do Banco Santander na Coruña para expresar o seu rexeitamento ao despedimento “inxusto e inxustificado” dun compañeiro.

Tamén, segundo informou a central sindical, para denunciar a política de “desvinculacións” que aplica a entidade. A sección sindical afirma que estes despedimentos, segundo afirma disciplinarios ou mediante baixas voluntarias forzadas, “forman parte da política de atemorizar” ao persoal e tamén proceder a un “adelgazamento progresivo·.

Maite Freire, da sección sindical da CIG no Santander, asegura que no caso concreto dennciado nesta xornada “o compañeiro foi despedido no medio da súa xornada laboral”.

“Sen máis advertencia que unha chamada para que acudise a Recursos Humanos onde lle fixeron ler unha carta que era a comunicación do seu despedimento por suposta baixa produtiva“, manifestou.