O Concello da Coruña aprobará este venres a Oferta Pública de Emprego con 56 prazas nos diferentes grupos, segundo informa o goberno local.

Da totalidade das prazas, 29 son de acceso libre e contarán con catro prazas reservadas a persoas con discapacidade. Por servizo divídense en 12 para Policía Local de tipo C1, 10 auxiliares administrativos de tipo C2, dous de subalterno e unha para técnico audiovisual, oficial de Protección Civil e enxeñeiro agrícola. Ademais, convócanse dúas novas prazas para o corpo de bombeiros.

En canto á oferta de prazas por quenda de promoción interna, un total de 21, divídense en oito de administrativo/a de tipo C1, sete de auxiliar de bibliotecas de tipo C1 e dous de auxiliar administrativo, técnico superior de delineación e oficial operativo. O total da OPE 2024 complétase con seis prazas de mobilidade que serán para o servizo de Policía Local.

Esta nova Oferta Pública de Emprego “permitirá reforzar o persoal do persoal municipal nos diferentes servizos”, explica o goberno local.