A sección primeira da Audiencia Provincial da Coruña, de conformidade co veredicto do Tribunal do Xurado, condenou a un home como autor responsable dun delito de violación de morada, á pena de prisión de seis meses, segundo informa o Tribunal Superior de Xustiza de Galicia (TSXG). No relato de feitos probados da sentenza consta que acudiu a unha vivenda situada en Cambre, na que residía un matrimonio, sen que lle convidaran.

“O portalón de entrada da leira estaba pechado, ante o que saltou o muro, accedeu ao interior da leira e dirixiuse á casa, cando chegou ao soportal, na parte traseira da casa, a muller sorprendeulle e díxolle que se marchase de alí”, relata o fallo.

Nel, sublíñase que “cometeu estes feitos con pleno dominio das súas facultades volitivas e intelectivas e con conciencia de que non tiña permiso do matrimonio para acceder nin ao inmoble nin para permanecer no mesmo”. A sentenza non é firme ao existir posibilidade de recurso ante o Tribunal Superior de Xustiza de Galicia (TSXG).