Este domingo celebrarase na Coruña, ás 19,30 horas, unha concentración con motivo dos tres meses do asasinato de Yoel Quispe, apuñalado en Noiteboa. Segundo detallaron fontes municipais, a rúa Sinfónica de Galicia, lugar onde foi apuñalado e onde hai un memorial no seu recordo, estará cortada desde as 19,30 ata as 21,30 horas.
Ademais, dependendo do número de asistentes podería comezar unha manifestación con inicio no lugar da concentración e pasando pola rúa Ferrol, Compostela, Praza Mina, Cantóns, Mariña, Porta Real e María Pita.
O mozo de 22 anos foi apuñalado na madrugada de Noiteboa e houbo tres persoas detidas aos que Fiscalía lle imputou formalmente delito de homicidio.
