Saían onte á rúa a veciñanza do barrio da Agra do Orzán para denunciar a parálise e a falta de consenso do Concello da Coruña para a reforma da zona das Casas de Franco.

O Concello da Coruña anunciaba ao mediodía que ía dar continuidade ás obras de reforma coa “adaptación á maioría das peticións veciñais”, pero a veciñanza deixaba claro que non lle valía.

O concello confirmaba que o proxecto que foi presentado en novembro do ano pasado ás comunidades de propietarios, ía ser modificado tralas demandas veciñais, cambiando o pavimento, e adecuando novas costas de acceso a cada un dos 3 portais. O Concello tamén estuda a reformulación das prazas de aparcadoiro na contorna.

Pero a veciñanza non cede e lamenta a eliminación das prazas de aparcamento, a falta de carril bici ou o difícil acceso que van ter as ambulancias.
A veciñanza pide a paralización total das obras ata que haia consenso