Hai situacións que a Coruña máis rancia ten que superar. O racismo instaurado na sociedade, que alentan os partidos de extrema dereita en todo o estado segue vivo, como se demostran cos casos de Yoel e Henry. O vivido esta semana por unha muller peruana demostra que a nosa sociedade ten moito que cambiar.

Foi Pamela Rodríguez a que sufría unha auténtica falta de respecto nunha reunión da comunidade de veciños. Esta muller, lenda viva en Perú, dúas veces candidata aos Latin Grammy, leva varios anos instalada na Coruña, unha cidade que lle acolleu e lle quere, como se ten demostrado nalgunha das súas actuacións. Pero aínda existen momentos nos que hai xente que lle asina a cara amarga da vila.

”Onte vivín unha das situacións máis desagradables dende que cheguei a vivir a Coruña”, explica Pamela nas súas redes sociais. Nunha reunión da comunidade, un veciño chamoulle “sudaca” para invalidar o seu punt de vista. Nunha tremenda demostración de falta de respecto, o home estivo imitando o acento arxentino (hai que ser paleto…) e lle interrumpía unha e outra vez ao berro de “che, déjame, que te lo explique en sudaca, boluda”.

Aínda tivo outro parámetro discriminatorio: máis infame todavía este señor: “Non só es sudaca, senón que alguén que non é “Coruñés de toda la vida” non pode opinar”, facendo referencia a un

”Nin el nin ninguén me fará sentir inferior nunca”, apunta orgullosa de denunciar o asunto publicamente. Pero pregúntase: “Como será a realidade para as persoas que non son de apariencia europea coma min? Non mo quero imaxinar. Sufro con pensalo”, conclúe.

”Que baixón a peña rancia da cidade. Que horror o racismo, o clasismo, a discriminación. Que rabia me dá”, remata a reflexión.

Máis novas

O tecido antirracista galego sae á rúa na Coruña para pedir xustiza para Henry e para Yoel