A Escola Técnica Superior de Arquitectura da Universidade da Coruña (UDC) organizará o XIII Congreso Internacional Docomoco Ibérico, segundo informa o reitorado coruñés.

Así se acordou na reunión do padroado da Fundación Docomoco tras elixir a proposta da citada Escola, co que se converte na primeira sede galega deste evento. Os anteriores congresos, celebrados desde o ano 1997, reuniron de maneira bianual a numerosos arquitectos e investigadores especializados nos temas propostos polas anteriores sedes.

Nesta ocasión, a Escola Técnica Superior de Arquitectura presentou unha candidatura baixo o título ‘A modernidade marítima. Arquitecturas e infraestruturas da paisaxe litora, 1925-1975″.