Un accidente protagonizado por un autobús e unha moto na AP-9 ao seu paso por Culleredo causou outra colisión entre dous turismos debido ás retencións ocasionadas na zona.

Os sucesos tiveron lugar a partir das 08,20 horas deste mércores, cando a central do 112 recibiu unha chamada que alertaba dun impacto no Burgo. A colisión, que implicou a un autobús e unha moto, provocou retencións na zona, o que derivou noutro accidente entre dous turismos pouco despois do primeiro sinistro.

O ocorrido saldouse cunha persoa ferida que tivo que ser evacuada nunha ambulancia de Urxencias Sanitarias 061 a un centro hospitalario.