A política urbanística municipal leva anos apostando por unha humanización das nosas rúas, pola ampliación das zonas peonís, máis carril bici, a redución de aparcamento… pero esa redución do número de vehículos que circulan polos barrios ten que vir acompañada dunha mellora do servizo de transporte público.

Así o entenden varias familias e comeciantes da zona dos Mallos, a Falperra e a Sagrada Familia, barrios con gran densidade de poboación, que están xuntando sinaturas, tanto na Mercería Atrapasueños e Centro Óptico Breogán, e mobilizando a veciñanza para conseguir a creación dunha liña de autobus que preste servizo aos barrios e os conecte co centro da cidade e co barrio de Agrela.

“Non pretendemos que se traslade a liña 11 do seu paso pola Avda. dos Mallos”, “solicitamos unha liña adicional ao 11 ou a recuperación da antiga 10 que chegaba a Porta Real percorrendo a Avda. Arteixo e chegando ao polígono de Agrela, chegando ata o Hospital Abente y Lago en sentdio inverso”, que sería moi interesante para a xente maior.

A petición da recuperación da liña 10 non é nova, e volve á actualidade cada pouco tempo, e agora a veciñanza espera ser oída, e neste importante 2024 no que se formulará un novo convenio de transporte, quede reflexada esta petición.