O vicepresidente executivo de Conservación Internacional, Sebastian Troëng, instou a “pór ao mundo na senda da neutralidade de emisións”, nun acto na Coruña da Cátedra Inditex-UDC de Sustentabilidade.

Troëng impartiu na Universidade da Coruña o relatorio ‘Clima e Natureza: riscos, oportunidades e retos para o sector privado’, dentro dun ciclo de actividades promovido no marco desta cátedra.

Como vicepresidente executivo, Sebastian Troëng dirixe o equipo de Alianzas para a Conservación. Este traballo inclúe unha carteira anual de 65 millóns de dólares e, entre as súas funcións, está a de asesorar regularmente a xefes de Estado, ministros, directores xerais e líderes comunitarios sobre sustentabilidade e conservación.

“Facer fronte á crise climática e á perda de natureza que ameazan ao planeta require da participación de todos: gobernos, empresas e organizacións deben unirse e acelerar a adopción de solucións baseadas na natureza”, apuntou.