Un milleiro de nenos e nenas participarán na XXIV edición do Correlingua na Coruña, unha iniciativa que terá lugar o próximo 3 de maio, a partir das 11,00 horas.
O concelleiro da área de Fomento e Promoción da Cidade e rsponsable de Cultura, Gonzalo Castro, presentou este luns, no Palacio Municipal de María Pita, esta nova edición, na que participarán alumnos e alumnas de 17 centros de toda a comarca da Coruña.
Na presentación, xunto á responsable provincial de Correlingua, Celia Armas, e o representante de CIG Ensino, Suso Bermello, destacou unha iniciativa así para manter “moi viva a lingua galega entre as próximas xeracións”.
A xornada comezará o venres, ás 11,00 horas, desde a chaira do Palacio dos Deportes de Riazor. As e os participantes percorrerán o paseo marítimo ata chegar á Torre de Hércules, aproximadamente ás 12,30 horas.
Haberá un escenario xunto á estatua de Breogán, onde se celebrará unha festa final na que, como o ano pasado, haberá actuacións musicais e entrega de premios á mellor pancarta.
O Correlingua fixo que centos de @alumn@s botasen a lingua fóra
