‘Os do Fondo da Barra‘ pecharán na Coruña o ciclo ‘Folk no Colón‘, presentando o seu primeiro disco ‘BâNZô’, segundo se informou na presentación nun acto con presenza do músico Henrique Peón e o portavoz do goberno local, José Manuel Lage. Será o 30 de maio dentro dun ciclo no que participaron distintos grupos de música folk e do que se destacou o éxito do mesmo.
A presentación tivo lugar no recibidor do teatro onde os membros da formación interpretaron unha das pezas deste traballo discográfico. ‘Os do Fondo da Barra’ é un grupo de música galega que naceu no seo da Asociación Cultural Xacarandaina, na Coruña, con 45 anos de actividade.
