A Fundación María José Jove reuniu este venres a medio centenar de profesionais do ámbito museístico de Galicia co obxectivo de pór en común prácticas que levan a cabo na actualidade en museos e institucións culturais galegas e algúns exemplos do contexto nacional, co propósito de tecer unha rede entre os axentes que as desenvolven.
O I Encontro Profesional sobre Educación en Museos e Institucións Culturais. Escola, Comunidade e Investigación desenvolveuse con tres mesas redondas sobre escola, comunidade e investigación, así como mesas de traballo que propoñían reflexionar colectivamente ao redor da profesión.
No mesmo participaron especialistas do CGAC, Rede Planea, Museo de Pontevedra, Museos de Belas Arte da Coruña, Desmusea, Rede Museística de Lugo, Fundación Cerezales Antonino e Cinia, Federación Española de Asociacións de Educación e Mediación en Cultura, Museos e Patrimonio, así como profesionais e creadores.
