A Consellería de Medio Ambiente e Cambio Climático publicou a autorización ambiental integrada a Harmonía Green Galicia S.L. para unha planta de produción de amoníaco verde no municipio de Arteixo. Así o recolle o Diario Oficial de Galicia (DOG) que dá publicidade á resolución pola que se outorga a citada autorización, que poderá consultarse na propia Consellería ou a través da súa páxina web.

Faino de conformidade ao Real Decreto de 2016 polo que se aproba o texto refundido da Lei de Prevención e Control Integrados de Contaminación. Trátase dunha planta para a produción de amoníaco verde nas instalacións do porto exterior da Coruña, en Punta Langosteira, no marco dos novos proxectos previstos neste ámbito portuario.