A Xunta autorizou establecer a localización dunha nova estación fixa de inspección técnica de vehículos no concello da Coruña. Así o recolle o Diario Oficial de Galicia nunha orde na que se lembra que o exercicio das competencias para determinar a localización dunha nova estación fixa de inspección técnica de vehículos corresponde á Consellería de Economía e Industria, a través da Secretaría Xeral de Industria.

Neste sentido, remarca que a localización das estacións fixas determinarase buscando “a total cobertura do territorio, atendendo aos criterios de economía e custo mínimo global do servizo para os usuarios”. “Minimizando o desprazamento que os vehículos teñan que realizar para a inspección e distribuíndo, ao mesmo tempo, as estacións dunha maneira equilibrada e lóxica dentro do territorio galego e posibilitando a autofinanciación das estacións”. A compañía encargada da posta en marcha desta nova estación será SYC Applus+, que prevé situala no polígono de Vío, ao final do polígono de Pocomaco