Máis de 170 escolares de toda Galicia competirán o xoves, día 16, na gran final da terceira Liga Maker Drone na Coruña, un evento que terá lugar desde as 10.30 horas no Coliseum.
Trátase dunha iniciativa impulsada pola Fundación Barrié e o Centro Tecnolóxico ITG e na que participarán estudantes de segundo de Educación Secundaria Obrigatoria (ESO) procedentes de 17 centros escolares de toda Galicia.
Nesta xornada de exhibición os equipos de escolares mostrarán as solucións que desenvolveron durante o últimos seis meses para responder o reto da liga, “que consiste en idear, deseñar, construír e programar un sistema instalado sobre un dron co obxectivo de neutralizar niños de velutina (ficticios) mediante o lanzamento de cápsulas de insecticida no seu interior”, explica a organización.
Os equipos porán a proba as súas solucións e competirán en formato torneo con dous roldas eliminatorias e unha final da que sairá o equipo gañador da competición, que será o que consiga levar a cabo correctamente o desafío no menor tempo posible. Ademais, haberá premios para outro catro equipos: ao mellor deseño; á solución máis disruptiva; premio á destreza en voo, e un premio á mellor presentación.
