O secretario de Estado de Medio Ambiente, Hugo Morán, defendeu a procura dun acordo coa Xunta de Galicia en aras de lograr un “mecanismo compartido” para o pago de axudas aos mariscadores da ría do Burgo mentres non poidan faenar ata que as crías alcancen a talla legal de comercialización, unha vez concluído o dragado.
Así o expuxo nunha comparecencia no Congreso e en resposta ao deputado do BNG, Néstor Rego. Nela, dixo tamén que foron ao redor de 78 as persoas que recibiron indemnizacións durante as obras de dragado, unha contía que cifrou nun catro millóns de euros.
Pola súa banda, o deputado nacionalista Néstor Rego trasladou a súa satisfacción ante a vontade do Ministerio de atender as demandas do colectivo, que manteñen protestas periódicas en esixencia dunha solución á súa situación.
Néstor Rego pediu, no entanto, unha “implicación clara” por parte do Goberno central para, conxuntamente coa Xunta de Galicia, expuxo, cubrir esas necesidades.
