Traballadores de FerroGlobe concentráronse ante a fábrica de Sabón, en Arteixo (A Coruña), no marco dunha xornada de mobilizacións en distintos centros por, segundo informaron CIG e UGT, “o bloqueo da negociación colectiva e para reclamar melloras salariais”.

A protesta desenvolveuse coincidindo co cambio de quenda e de maneira simultánea nos distintos centros de traballo do grupo empresarial, excepto na mina de Serrabal, onde o persoal fixo a protesta na xornada do martes.

Esta é a primeira mobilización que se convoca “ante a parálise na negociación do acordo marco e dos convenios colectivos de cada centro de traballo”.

A xornada de protestas incluíron asembleas informativas de persoal e concentracións na entrada e saídas de quendas de mañá e tarde.