A alcaldesa da Coruña, Inés Rey, reivindicou a “profesionalidade” dos axentes no Día da Policía Local e durante un acto celebrado no Palacio Municipal de María Pita con presenza da subdelegada do Goberno, María Rivas.

A rexedora presidiu o acto de homenaxe aos e ás axentes do servizo, con recoñecemento a civís e outras forzas e corpos de seguridade. Tamén destacou as 242 detencións realizadas no último ano como exemplo da colaboración da Policía Local coa Policía Nacional, xunto coas 608 persoas auxiliadas.

O Concello da Coruña incorporou 40 novos e novas axentes desde o pasado mes de outubro e a oferta pública de emprego (OPE) deste ano conta con case 20 prazas de Policía Local.